ວິໄສທັດ
ພື່ອປົກປັກຮັກສາ ແລະ ສົ່ງເສີມວິຖີຊີວິດຂອງຊາວຊົນນະບົດລາວ ແລະ ເພື່ອເປັນແບບຢ່າງໃຫ້ແກ່ການພັດທະນາຊຸມຊົນແບບມີສ່ວນຮ່ວມໃນ ສປປ ລາວ
ພາລະກິດ
- ການພັດທະນາຊັບພະຍາກອນມະນຸດ: ເສີມສ້າງທັກສະທາງດ້ານວິຊາຊີບໃຫ້ແກ່ຜູ້ຜະລິດພາຍໃນທ້ອງຖິ່ນ, ໂດຍເນັ້ນໜັກເປັນພິເສດໃສ່ການສ້າງຄວາມເຂັ້ມແຂງໃຫ້ແກ່ຊາວໜຸ່ມ ແລະ ແມ່ຍິງ.
- ການດຳລົງຊີວິດແບບຍືນຍົງ: ສ້າງວຽກເຮັດງານທຳ ແລະ ໂອກາດໃນການເປັນຜູ້ປະກອບການໃຫ້ແກ່ປະຊາຊົນໃນທ້ອງຖິ່ນ ເພື່ອສ້າງລາຍຮັບທີ່ໝັ້ນຄົງ ແລະ ຍືນຍົງ.
- ມໍລະດົກ ແລະ ການເປັນເຈົ້າຕົນເອງ: ສົ່ງເສີມວັດທະນະທຳຊົນນະບົດ ແລະ ຄວາມເປັນເຈົ້າການຂອງຊຸມຊົນ ພ້ອມທັງເຊື່ອມໂຍງຮີດຄອງປະເພນີທ້ອງຖິ່ນເຂົ້າກັບໂອກາດໃນຍຸກສະໄໝໃໝ່.
- ການປົກປັກຮັກສາສິ່ງແວດລ້ອມ: ປົກປັກຮັກສາສິ່ງແວດລ້ອມ ແລະ ນຳໃຊ້ຊັບພະຍາກອນທຳມະຊາດໃຫ້ເກີດປະໂຫຍດສູງສຸດ ຜ່ານນະວັດຕະກຳສີຂຽວ.
- ການຮ່ວມມືດ້ານການສຶກສາ: ຮ່ວມມືກັບບັນດາສະຖາບັນ ແລະ ມະຫາວິທະຍາໄລ ເພື່ອພັດທະນາທັກສະໃຫ້ແກ່ນັກສຶກສາ ແລະ ເຍົາວະຊົນ, ພ້ອມທັງສ້າງຜູ້ນຳຮຸ່ນໃໝ່ໃຫ້ແກ່ເຂດຊົນນະບົດ.
ກິດຈະກຳຫຼັກ
1. ນະວັດຕະກຳດ້ານກະສິກຳ ແລະ ອາຫານ
ຟາມແບບປະສົມປະສານ: ສາທິດການປູກພືດອິນຊີແບບຄອບຄົວ ແລະ ລະບົບໜອງປາ.
ການປຸງແຕ່ງອາຫານ: ການປຸງແຕ່ງ ແລະ ການບັນຈຸພັນສິນຄ້າທີ່ມີມູນຄ່າສູງ ໂດຍການນຳພາຂອງຜູ້ຊ່ຽວຊານ.
ການເຂົ້າເຖິງຕະຫຼາດ: ຊຸກຍູ້ການຢັ້ງຢືນກາໝາຍ "ໜຶ່ງເມືອງ ໜຶ່ງຜະລິດຕະພັນ" (ODOP) ເພື່ອວາງຈຳໜ່າຍໃນຊຸບເປີມາເກັດ.
ການສະໜັບສະໜູນທາງດ້ານວິທະຍາສາດ: ນຳໃຊ້ຄວາມຊ່ຽວຊານດ້ານຈຸລະຊີວະວິທະຍາ ແລະ ໂພຊະນາການ ເພື່ອສ້າງຄວາມໝັ້ນຄົງທາງດ້ານອາຫານ.
2. ການດຳລົງຊີວິດແບບຍືນຍົງ ແລະ ການເງິນແບບມີສ່ວນຮ່ວມ
ການເຂົ້າເຖິງແຫຼ່ງທຶນ: ຄຸ້ມຄອງກອງທຶນໝູ່ບ້ານ/ກອງທຶນການຕະຫຼາດ, ການທ້ອນຫອມ ແລະ ການເງິນສີຂຽວ.
ການຝຶກອົບຮົມດ້ານທຸລະກິດ: ກອງປະຊຸມຝຶກອົບຮົມສຳລັບວິສາຫະກິດຂະໜາດນ້ອຍ ແລະ ກາງ (MSME), ພ້ອມທັງການສະໜັບສະໜູນທຸລະກິດຂອງຊາວກະສິກອນ ແລະ ແມ່ຍິງ.
ການບໍລິການໃຫ້ຄຳປຶກສາດ້ານການເຕີບໂຕ: ບໍລິການຊ່ຽວຊານດ້ານການເງິນ, ວິສາຫະກິດຂະໜາດນ້ອຍ ແລະ ກາງ (MSME), ກະສິກຳ ແລະ ການທ່ອງທ່ຽວແບບມີສ່ວນຮ່ວມຂອງຊຸມຊົນ.
3. ຊາວໜຸ່ມ, ແມ່ຍິງ ແລະ ການສ້າງຄວາມເຂັ້ມແຂງດ້ານດີຈີຕອນ
ການເປັນພີ່ລ້ຽງໃຫ້ຄຳປຶກສາ: ການເປັນຄູຝຶກ ແລະ ໃຫ້ຄຳປຶກສາແກ່ທຸລະກິດຂະໜາດນ້ອຍ ທີ່ນຳພາໂດຍຊາວໜຸ່ມ ແລະ ແມ່ຍິງ.
ທັກສະດ້ານດີຈີຕອນ: ການຝຶກອົບຮົມການນຳໃຊ້ເຄື່ອງມືດີຈີຕອນ (ການເຮັດວິດີໂອ, ການຖ່າຍຮູບ, TikTok) ເພື່ອນຳໃຊ້ນະວັດຕະກຳເຂົ້າໃນວຽກງານຊົນນະບົດ.
ການເປັນຜູ້ນຳ: ການສ້າງຄວາມເຂັ້ມແຂງໃຫ້ແກ່ແມ່ຍິງ ແລະ ຊາວໜຸ່ມໃນທ້ອງຖິ່ນ ເພື່ອໃຫ້ກາຍເປັນຜູ້ນຳໃນການສ້າງການປ່ຽນແປງໃຫ້ແກ່ຊຸມຊົນ
4. ສິ່ງແວດລ້ອມ ແລະ ການດຳລົງຊີວິດແບບສີຂຽວ
ການຄຸ້ມຄອງຂີ້ເຫຍື້ອ: ການລົນນະລົງເພື່ອການນຳກັບມາໃຊ້ໃໝ່ (Recycling) ແລະ ການເກັບຂີ້ເຫຍື້ອຢາງປລາສະຕິກ.
ນະວັດຕະກຳສີຂຽວ: ສົ່ງເສີມການດຳລົງຊີວິດແບບຍືນຍົງໃນຊີວິດປະຈຳວັນ ຜ່ານການເຄື່ອນໄຫວຂອງຊຸມຊົນ.
5. ວັດທະນະທຳ, ມໍລະດົກ ແລະ ການທ່ອງທ່ຽວແບບມີສ່ວນຮ່ວມຂອງຊຸມຊົນ (CBT)
ການຟື້ນຟູທັກສະ: ປົກປັກຮັກສາມໍລະດົກລາວ ໂດຍຜ່ານການຕ່ຳຫູກ ແລະ ວຽກງານຫັດຖະກຳ.
ການແລກປ່ຽນຄວາມຮູ້: ກິດຈະກຳທາງດ້ານວັດທະນະທຳທີ່ນຳພາໂດຍຜູ້ອາວຸໂສໃນຊຸມຊົນ (ເຊັ່ນ: ການບາສີສູ່ຂວັນ, ການຟ້ອນ).
ການທ່ອງທ່ຽວແບບມີສ່ວນຮ່ວມ ແລະ ກິດຈະກຳຝຶກອົບຮົມ: ຈັດກິດຈະກຳສ້າງຄວາມສາມັກຄີ (Team-building) ແລະ ປະສົບການການທ່ອງທ່ຽວທາງດ້ານວັດທະນະທຳ.