ໃນວັນທີ 10-11 ກຸມພາ 2026 ທີ່ຜ່ານມາ, ສູນການຮຽນຮູ້ສີຂຽວ (GLC) ໄດ້ຈັດການຝຶກອົບຮົມຄັ້ງທີ 2 ໃນຫົວຂໍ້ “ການຂຽນແຜນທຸລະກິດ ແລະ ຄວາມຮູ້ພື້ນຖານດ້ານການເງິນ” ໃຫ້ແກ່ກຸ່ມແປຮູບອາຫານ ແລະ ຜູ້ຄ້າຂາຍໃນຕະຫຼາດຊຸມຊົນ ຫ້ວຍແຫ້-ທ່າແຕງ.
ສິ່ງທີ່ພວກເຮົາໄດ້ຮຽນຮູ້ຮ່ວມກັນ:
ການຝຶກອົບຮົມຄັ້ງນີ້ເນັ້ນໃສ່ການປ່ຽນວິທີຄິດ ຈາກການເຮັດກິດຈະກຳລາຍຮັບແບບພື້ນຖານ ສູ່ການວາງແຜນແບບມືອາຊີບ:
ການຄິດໄລ່ຕົ້ນທຶນ, ລາຍຮັບ-ລາຍຈ່າຍ ແລະ ກະແສເງິນສົດ.
ການວາງແຜນທຸລະກິດໃຫ້ແທດເໝາະກັບທຸລະກິດ.
ພວກເຮົາໄດ້ແຜນທຸລະກິດລາຍບຸກຄົນ 11 ແຜນ ແລະ ແຜນກຸ່ມແປຮູບ 1 ແຜນ. ແມ່ຍິງກວມເອົາ 90%D ສາມາດອອກແບບທຸລະກິດຂອງຕົນເອງໄດ້ຢ່າງໝັ້ນໃຈ ບໍ່ວ່າຈະເປັນດ້ານການຕັດຫຍິບ, ການບໍລິຫານເຮືອທ່ອງທ່ຽວ, ຫຼື ການແປຮູບກະສິກຳ.
ກ້າວຕໍ່ໄປຂອງພວກເຮົາ:
ໃນຂະນະນີ້ ພວກເຮົາພວມສຸມໃສ່ການຍົກລະດັບຄຸນນະພາບຂອງຜະລິດຕະພັນຊຸມຊົນ ເຊັ່ນ: ກ້ວຍອົບແຫ້ງ ແລະ ແຈ່ວປາແດກທ້ອງຖິ່ນ ໃຫ້ໄດ້ມາດຕະຖານ ODOP. ດ້ວຍການດຶງດູດເອົາໄວໜຸ່ມເຂົ້າມາມີສ່ວນຮ່ວມໃຫ້ຫຼາຍຂຶ້ນ ແລະ ເສີມສ້າງຄວາມເຂັ້ມແຂງໃຫ້ແກ່ຕະຫຼາດພາຍໃນຊຸມຊົນ, ພວກເຮົາກຳລັງເຮັດໃຫ້ເສດຖະກິດຂອງບ້ານຫ້ວຍແຫ້ ມີຄວາມເຂັ້ມແຂງ ແລະ ຍືນຍົງ.
ຂໍສະແດງຄວາມຂອບໃຈເປັນຢ່າງສູງມາຍັງ ສະຖານທູດນິວຊີແລນ ສຳລັບການສະໜັບສະໜູນຢ່າງຕໍ່ເນື່ອງ ໃນການສ້າງຂີດຄວາມສາມາດໃຫ້ແກ່ຊຸມຊົນ ແລະ ການສົ່ງເສີມທຸລະກິດທີ່ນຳພາໂດຍແມ່ຍິງ.
